Danobatgroupek emakumezkoen talentu zientifikoaren alde egiten duen apustua sendotu du Gladys Sarian

• Industria taldeak ingurune digitaletan lan egiten duten Euskadiko emakume gazteekin duen konpromisoari eusten dio, ekimena bigarren urtez jarraian babestuz
  

• Gaur goizean PUNTUEUSek eta UPV/EHUko Informatika Fakultateak ematen duten Gladys Saria emateko ekitaldia egin da Donostian, eta Danobatgroupek ekitaldian parte hartu du.

Aukera berdintasuna eta pertsonen garapena dira Danobatgroupek bere filosofia eratzeko dituen funtsezko bi ardatz. Hori dela eta, industria taldeak STEM bokazioak sustatzeko hainbat ekimenetan parte hartzen du. Zentzu horretan, industria taldeak bigarren urtez lagundu du Gladys saria, emakume profesionalek ingurune digitalean egiten duten lana aitortzea eta zabaltzea eta informatikaren esparruan gazteentzako erreferenteak sortzea bilatzen duen saria, antolatzen.

Aurten Olatz Perez de Viñaspre UPV/EHUko Informatika Fakultateko irakasleari eman diote saria, eta sariaren banaketan makina-erremintaren fabrikatzaileak presentzia nabarmena izan du.  Gladys Saria PuntuEUS Fundazioak eta UPV/EHUko Informatika Fakultateak sustatzen dute, eta, Danobatgroupen laguntza ez ezik, Gipuzkoako Foru Aldundiko Berdintasunerako Organoaren babesa ere badu.

Ibilbide akademikoa eta erronka sozial handiei erantzutea

Epaimahaiak aho batez hartu du erabakia, eta irabazlearen ibilbide akademikoa eta erronka sozial handiei erantzuteko hark egindako lana nabarmendu ditu. Perez de Viñaspre 3.000 eurorekin saritu dute, eta ikastetxeetan gazteei hitzaldi motibatzaileak emateko aukera izango du.

Gasteiztarra ingeniaritza informatikoan eta sistema informatikoen ingeniaritza teknikoan lizentziatua da, eta ibilbide profesional luzea du. Hizkuntzaren Analisia eta Prozesamenduan (APL) masterra egin zuen, eta, ondoren, Hizkuntzaren Analisia eta Prozesamendua doktoretza programa egin zuen Euskal Herriko Unibertsitateko Informatika Fakultatean, Donostian.

Gaur egun, irakasle laguntzailea da UPV/EHUko Informatika Fakultateko Konputagailuen Arkitektura eta Teknologia Sailean, eta ikerketa munduan lan egiten du, halaber. Nabarmentzekoa da Koldo Mitxelena Sarien VI. edizioan, 2018an, Ingeniaritza eta Arkitektura arloko saria jaso zuela. Gainera, Ikergazte: Nazioarteko Ikerketa Euskaraz Kongresuaren I. edizioan, Udalbiltzak emandako Sari Berezia eman zioten, Euskal Herriaren garapenerako bereziki garrantzitsua den gai bat lantzeagatik.

Danobatgroupi buruz

Industriako fabrikazioaren eremuan 65 urteko ibilbidea eginda, Danobatgroupek trebakuntza handiko plantilla bat dauka, 1.400 pertsona baino gehiagok osatuta. Taldea erreferentziako eragilea da nazioartean, makina-erremintaren eta ekoizpen sistema aurreratuen sektorean