2023an ere Danobatgroupek talentuaren alde egingo du
Danobatgroupek biziki jardungo du 2023ko lehen hiruhilekoan, hainbat unibertsitatek antolatutako enplegu foroetan aktiboki parte hartuz. Industria fabrikazioaren sektorean garrantzi handiko aldaketak gertatzen ari dira, teknologia berriak sartu direlako, eta horregatik da talentua erakartzeko apustu hori. Eraldaketa horretarako, beharrezkoa dira erronkei eta, batez ere, ekoizpen prozesuen digitalizazioaren ondoriozko erronkei aurre egiteko gai izango diren profil profesional berriak edukitzea. Testuinguru horretan, Danobatgroupek ikasketak amaitzen dituzten gazteekin harremanak sustatzea du helburu. Urrats naturala da, pertsonekin eta talentuarekin duen konpromisoarekin bat dator-eta.
Alde batetik, otsailean eta martxoan Tecnun – UNAV Ingeniaritza Eskolak antolatutako bi ekimenetan parte hartuko du inustria taldeak. Lehenbizikoa, Recruiting Day Masterra, ingeniaritza masterreko ikasleei zuzenduta dago eta otsailaren 7an egingo da, eta Danobatgroup Donostiako kanpuseko egoitzan egingo den jardunaldian egongo da. Unibertsita honen bigarren hitzordua martxoaren 8an eta 9an izango da, antolatzen duen Enplegu Azokan. Hori ere Donostian izango da.
Bestetik, Danobatgroupek otsailaren 15ean egingo den Enpresa Egunean parte hartuko du, UPV/EHUren Gipuzkoako Ingeniaritza Eskolan, eta otsailaren 16anUPV-EHUren Bilboko Ingeniaritza Eskolak antolatutako JEPE 2023 Enplegu eta Enpresen Aurkezpen Jardunaldian egongo da, Bilboko San Mames estadioan.
Ekitaldi horietan, bertaratutakoek aukera izango dute Danobatgroupeko lantaldearekin elkarreraginean aritzeko eta Taldearen balio proposamena, industria fabrikazioaren sektorea teknologia digitalekin izaten ari den bilakaera eta etorkizuneko lantegi adimendunen iraultzari aurre egiteko industria taldeko hainbat enpresak, hala nola Danobatek, Soralucek, Goimekek eta Latzek, behar dituzten profil motak ere ezagutzeko.
Gainera, azokara joan aurretik Taldeak gaur egun garapen profesionalerako eskaintzen dituen aukerak ezagutu nahi dituenak Danobat Taldearen web orrian begiratu dezake.
Danobatgroupi buruz
Industriako fabrikazioaren eremuan 65 urteko ibilbidea eginda, Danobatgroupek trebakuntza handiko plantilla bat dauka, 1.400 pertsona baino gehiagok osatuta. Taldea erreferentziako eragilea da nazioartean, makina-erremintaren eta ekoizpen sistema aurreratuen sektorean.
