2024an ere Danobatgroupek talentua erakartzearen alde egingo du

• Otsailean, EHUk, Deustuko Unibertsitateak eta Nafarroako Unibertsitateak antolatutako lau enplegu azokatan parte hartuko du

• Industria taldeak Hitzordu horietan egonda taldeak indartu egiten du fabrikazio aurreratuaren etorkizuneko beharrei aurrea hartzeko hartutako konpromisoa.

Fabrikazio industrialean eta makina-erremintaren sektorean teknologia berriek egin dituzten aurrerapenek beharrezko dute, etorkizunean iraun dezaten, hurrengo erronkei erantzuna emateko gai izango diren profil berriak garatzea.

Horregatik, talentua erakartzea lehentasunetako bat da Danobatgroup talde industrialarentzat, denboran zehar fabrikazio aurreratuan duen lidergo sendoari eusteko eta iristeko dauden beharrei aurrea hartzeko.

Otsailean, taldea profesional berriak erakartzen saiatuko da, inguruko unibertsitate zentro nagusietako batzuek antolatutako lau enplegu azokatan. Testuinguru horretan, taldeak industria sektorean berak dituen esperientzia eta ezagutza hurbilduko dizkie ikasle gazteei, eta haiekin zuzenean elkarrizketa eduki ahal izango du, eta Danobatgroupek haien garapen profesionalerako eta prestakuntzarako eskaintzen dizkien aukerei buruzko informazio zehatza eman.

Azokak:

Otsailaren 13an, Danobatgroup Día de la Empresa - Empresa Eguna ekitaldian egongo da. Euskal Herriko Unibertsitateko (EHU) Gipuzkoako Ingeniaritza Eskolan egingo da ekitaldia.

Bi egun geroago, otsailaren 15ean, osteguna, taldeak Enplegu eta Enpresen Aurkezpen Jardunaldian (JEPE) parte hartuko du, halaber, EHUko Bilboko Ingeniaritza Eskolan. Jardunaldi horretan, ikasleek bertatik bertara ezagutu ahal izango dituzte taldeko parte izateak dakartzan onurak.

Ondoren, hilaren 20an eta 21ean, Enpleguaren eta Ekintzailetzaren XIX. Foroa egingo da Bilbon eta orduan Deustuko Unibertsitateko ikasleen aukera izango da Danobatgroupekin lehen harreman bat izateko, Danobatgroup han egon baita, stand fisiko batekin zein stand birtual batekin .

Azkenik, taldeak Tecnunen Donostiako Enplegu Foroan parte hartuko du, Nafarroako Unibertsitateko Ingeniaritza Eskolak antolatuta. Foroa hilaren 21ean eta 22an izango da, eta hilaren 22an Danobatgroupek stand propioa izango du bertan.

Ekitaldi horietan, bertaratzen direnek Danobatgroupeko taldearekin elkarreragiteko aukera izango dute, eta taldeko enpresetan (Danobat, Soraluce eta Goimek) behar dituzten profil motak ezagutzeko aukera izango dute.

“Pertsonak dira Danobatgroupen aktiborik handiena. Horregatik, talentuaren kudeaketa estrategikoaren alde egiten dugu, eta gero eta digitalizatuagoa dagoen eta etengabeko berrikuntzak markatuta dagoen ingurune batean aurkezten diren erronkei heltzeko gaitasuna duten profesional berriak aktiboki bilatzen saiatzen gara”, azaldu du Iker Usabiagak, Danobatgroupeko kudeaketa sozialeko zuzendariak.