Danobatgropueko Euskararen Eguna eta Euskaraldiaren amaiera ospatzeko lehiaketak badu irabazlea

Euskaraz izango gara leloa mantenduz, aurten ere Danobatgroup kooperatiba taldeak Euskararen Nazioarteko Eguna eta Euskaraldiaren amaiera ospatzeko lehiaketa antolatu du. Lehiaketa Kooperatiba Taldeak lantegiak dituen herrietako herritarrei eta gizarte osoari orokorrean zuzendu da, eta badugu irabazlea: Arantza Aguado andoaindarra.

Orain dela 22 urtetik hona ari da kooperatiba talde hau bere egunerokotasuna euskaraz izateko lanean, eta 2021-2024ko plan estrategikoaren markoan ari da euskara planeko erronkak eta helburuak lantzen. "Euskaraz izango gara" da Danobatgroupek etorkizunerako aurreikusten duen agertokia, eta agertoki hori errealitate bihurtzeko lanean ari da, bai eguneroko lanean, ikerketa eta garapenean zein teknologia berrietan, besteak beste.

Zorionak Arantza, zuretzat produktu ekologikoz betetako otarre eder bat; eskerrik asko beste guztioi parte hartzeagatik.

Euskaraz izango gara.