Danobat tornu bertikalak beste marka batzuen aurrean.
Etengabe berritzeko erronkarekin, Danobat Torneaketa Bertikaleko Zentroa erreferentea da munduan. Gure Danobat tornu bertikaletan lehen mailako piezak erabiltzen dira doitasun handiko mekanizazio lanetarako, eta ziklo denbora eta mantentze kostu txikiak dituzte, eta, gainera, beste marka batzuetakoek baino energia gutxiago kontsumitzen dute. Danobat tornu bertikalen kate zinematikoa mekanizazio prozesu guztien efizientzia areagotzeko diseinatuta dago. Motor nagusiaren potentzia guztia eta bihurdura momentua ardatz nagusira transmititzen da, poleen gainean uhal gidaririk gabe. Ardatzaren abiadura eta funtzionamendua C ardatzean dagoen kodegailu batek kontrolatzen ditu. Kodegailu horrek doitasun eta errepikakortasun handiz lan egitea ahalbidetzen du.
Gure makina guztien kalitatea ziurtatzeko, Danobatek laser bidezko probak egiten ditu berak fabrikatutako tornu bertikal guztietan, kalitate handiko emaitzak bermatzeko. Abiadura kaxa, den-dena Danobaten teknologiaz egindakoa, Danobatek stockean dago berehala erabiltzeko moduan, matxura kasuetarako. Kate zinematiko horrek 105 kW-eko euskarria onartzen du, eta makinaren funtzionamendu bikaina eta iraupen luzea bermatzen da. DANOBAT torneaketa bertikaleko zentroak merkatuko azken berritasunak onartzeko eta bezero bakoitzari soluziorik hoberena eskaintzeko diseinatu dira. Tornu bertikaletan, Danobatek arrabol gurutzatuzko errodamendu bakarra erabiltzen du, beste marka batzuetakoek baino diametro handiagoa duena, eta horri esker makina egonkorragoa da eta karga gehiago onartzen du. Oszilazio mugimendua egiteko ahalmen handia dauka, eta horrekin soluzio ona ematen du karga eszentrikoetarako. Beste lehiakide batzuek, bi errodamendu independente erabiltzen dituztenez, mahaian errodamendu horiek ahokatzeko bi kokaleku mekanizatu behar dituzte. Horrek arazo geometrikoak eragingo ditu, errodamenduek gutxiago irautea ekarriko dutenak eta zuzen funtzionatzea oztopatu. Danobat tornu bertikalak zurruntasun handia emateko diseinatu dira, mahai birakariaren eta errodamenduaren artean tarte txikia utzita. Danobatek bere hornitzaileak zorrotz aukeratzen ditu, eta, ondorioz, munduko errodamendu fabrikatzailerik hoberenaren errodamenduak erabiltzen ditu. X eta Z ardatzen gidari motak aukeratzean, Danobatek gidari linealak aukeratzen ditu inolako dudarik gabe, gidariak katigatuta gelditzea ekiditeko eta abiadura handiak bermatzeko. Bolazko errodamenduen ordez, horiek X ardatzean erabili ohi baitira, Danobateko modelo guztiak kremailera-pinoi bikoitzeko sistema batez hornituta daude, bibrazioak xurgatzeko eta lasaierarik eta deformaziorik ez sortarazteko. Danobaten sistema hau erraz garatzen da bezeroaren barruko mantentze lanetan, soluzio eraginkorra eta malgua eskaintzen dio eta. Kremailera-pinoi bikoitzeko sistemarekin, RAM buruak piezaren alde bietan egin dezake lan, eta makinaren diseinu malguak erreminten aldagailu automatiko bi eta bigarren RAM gehitzen uzten du, etorkizunean beharrezkoak izanez gero. Makinaren doikuntza geometrikoa errazagoa da Danobatekin, orga bikoitza duelako. Talka gertatuz gero, orga erraz lerrokatu daiteke, gidarietan kalterik sortu gabe. DANOBATek erronka egiten dio bere buruari bezeroari soluziorik eraginkorrena eta pertsonalizatuena eskaintzeko, merkatuko teknologiarik gorenena erabilita.
